اقدع عسى يقدع على راسك الذيب

Admin عدد الرسائل : 319 تاريخ التسجيل : 01/02/2008

السلام عليكم ورحمة الله

قصائد قراتها في كتاب المستطرف النبطي واضحكتني وحبيتكم تتونسون معي .... ياليت تعجبكم

وابدأ بالشاعر الكبير ضيدان عندما زار
صديقه سعد فتأخر عليه في تقديم القهوه والقدوع فقال

جاك المسير مالقى منـك ترحيـب
لاجبتلـه قهـوه ولامـن قدوعـي

ياليتني دورت غيـرك معازيـب
جيتك جويع ورحت منّك بجوعـي

الظاهر انك ماتعـرف المواجيـب
لاشك طبعك يختلف عن طبوعـي

حنّا لاجانا الضيف ننفض له الجيب
ونجيبله من كـل شكـلٍ ونوعـي

عاداتنا والرزق من عالـم الغيـب
هذا وانا ابخل واحدٍ مـن ربوعـي

(( فجاء سعد بالقدوع والقهوه وقال غاضبا ))

اقدع عسى يقدع على راسك الذيب
في خايعٍ مابه من الناس دوعـي

متعطـلٍ بالبـر قبلـي تناقيـب
من ليلة الجمعه ليـوم الربوعـي

ومروك ناسٍ غايب عنهم الطيب
وخلوك وحدك في مكانٍ يروعـي

ثم جاك ذيبٍ ماسنونـه بتركيـب
ذيبٍ ولد ذيبٍ وشـرس قطوعـي

سوّى بك سواةٍ على غير ترتيـب
يجزع لها قلب الشجاع البتوعـي

مرحوم ياعودٍ كسا راسه الشيـب
هنديته تـذرف عليـه الدموعـي

================

(( قد يسبب الغزل حادثا داميا كالذي حدث لهذا الشاعر ))

يا بو ندى ويلاه ماغيـر اونـي
مكدتي صارت عليّـه خسـاره

اكد عبري مير هـن ضيّعنـي
بالشارع الفرعي يمين العمـاره

نويت الف وشفتهن واخرزنّـي
اربع بنات وصاحبك بالغمـاره

مريت ابيهـن ياولـد يشّرنـي
عيّن وانا ياخوك مامن جسـاره

قويت قلبـي ميـر ماهرّجنـي
علكت من غيض الجمر والزقاره

بغيت اسولف ياخلف واسفهنّـي
طرت عبري والمناوي دشـاره

ياحيف شفني مابقى غير سنّـي
وعكازةّ صارت عليّـه عيـاره

بدون ذنـب بزينهـن دودهنّـي
اعدمت ضايع وموترين واشاره

==================

(( لعب الامل واليأس مباراة في كرة القدم داخل قلب الشاعر سويد العنزي من عرعر
وهو يقول معلقا على هذه المباراة ))
:

امس العصر كان الامل يشكي الياس
في ملعب الاحزان داخـل فـؤادي

صارت فعاليّات واصبحت انا الكاس
والظاهر ان الياس اقـوى النـوادي

يوم العبوا في ملعبٍ كلـه امـواس
الياس يلعب والامـل حيـل هـادي

والياس سجل قوول والضد محتاس
مـن كـورةٍ مخطوفـةٍ بانفـرادي

================

(( وهذه قصيده للشاعر عبدالله البراك يخاطب بها صديقه سعود حين شاهد فتاة غنيه
وتذكر حالتهما الماديه وقال ))

فوق الشبح ياسعود حطت ايديهـا
وانته وانا يا خوك نكشخ ابنيسان

انا اشهد ان الوقت مرهي عليهـا
ماهو بمثلك في هوى الدين غرقان

وانا ادري ان دنياك بلشان فيهـا
لاوفيـت ديّـان تذكـرت ديّـان

===================

ولكم خالص التحايا ووافر التقدير

هههههههههه اجل يقول
هذا وانا ابخل واحدٍ مـن ربوعـي

شاااعر مبدع وفكاهي

لكن الي يقول
وانته وانا يا خوك نكشخ ابنيسان

لاتعليق

الله يعطيك العافيه اخوي

مشكووور على الموضوع الرائع والجميل

بانتظاار جديدك

مشكور على القصائد الرائعة

دايم تحصل معي يعزموني تعال بكره ويسحبون علي اذا جاء الوعد

ودي اقول لهم مثل عنوان موضوعك او

ياليتني دورت غيـرك معازيـب
جيتك جويع ورحت منّك بجوعـي

الظاهر انك ماتعـرف المواجيـب
لاشك طبعك يختلف عن طبوعـي

وسلامتك

مشكووووووووووور والصراحه أنه صادق الي يقول وانته وانا يا خوك نكشخ ابنيسان

الناس على بالهم كاشخين بها وهي غبيه ماتسوى فص بصل Cool

ولاتحرمنا من هيك المواضيع

Admin عدد الرسائل : 319 تاريخ التسجيل : 01/02/2008

يا هلا والله...

مشكورين على المرور...

ودمتم بود